விவசாயப் பழமொழிகள் – 20
- நொண்டி மாடு ஒன்றிருந்தால் நொடித்தவனும் நிமிர்ந்திடுவான்!
- அறுப்புக் காலத்தில் எலிக்கு ஐந்து பெண்சாதி!
- காடு காத்தவனும் கச்சேரி காத்தவனும் பலன் அடைவான்!
- பூமியைப் போலப் பொறுமை வேண்டும்!
- முளையில் கிள்ளாமல் விட்டால், கோடாலியால் தான் வெட்ட வேண்டும்!
- எள்ளுக்கு ஏழு உழவு, கொள்ளுக்கு ஓர் உழவு!
- மழை விட்டாலும் தூவானம் விடவில்லை!
- நிலத்தில் எழுந்த பூண்டு நிலத்தில் மடிய வேண்டும்!
- அழிந்த கொல்லையில் குதிரை மேய்ந்தாலென்ன, கழுதை மேய்ந்தாலென்ன?
- காற்று உள்ளபோதே தூற்றிக்கொள்!
- ஆடு கொழுத்தால் இடையனுக்கு இலாபம்!
- கை காய்த்தால் கமுகு (பாக்கு) காய்க்கும்!
- விளையும் பயிர் முளையிலே தெரியும்!
- புண்ணியத்துக்கு உழுத மாட்டைப் பல்லைப் பிடித்துப் பதம் பார்த்தது போல!
- வெட்டுறவனுக்கு நிழல் தரும் மரம், தோண்டுறவனுக்கு இடம் தரும் மண்!
- ஆவும் தென்னையும் ஐந்து வருடத்தில் பலன் தரும்!
- தானம் கொடுத்த மாட்டைப் பல்லைப் பிடித்துப் பார்க்காதே!
- வீட்டுக்குச் செல்வம் மாடு, தோட்டத்துகுச் செல்வம் முருங்கை!
- எருமை வாங்கும் முன்னே நெய் விலையைக் கூறாதே!
- கள்ளிக்கு எதுக்கு முள்வேலி!
Discover more from பச்சை பூமி
Subscribe to get the latest posts sent to your email.
Your point of view caught my eye and was very interesting. Thanks. I have a question for you.