உயிர் உரங்கள் (Biofertilizers), பயிர்களுக்கு வேண்டிய சத்துகளைத் தருவதில் மற்றும் பயிர்களைப் பாதுகாப்பதில், முக்கியப் பங்கு வகிக்கின்றன. இவ்வகையில், அவற்றின் பயன்கள் குறித்தும், பயன்படுத்தும் அளவுகள் குறித்தும் இங்கே பார்க்கலாம்.
அசோஸ்பயிரில்லம் (Biofertilizers)
- இது, பயிர்களுக்குத் தழைச்சத்தைத் தருகிறது.
- இதை, ஏக்கருக்கு 3 கிலோ வீதம் பயன்படுத்த வேண்டும்.
பாஸ்போபாக்டீரியா
- இது, மண்ணில் கரையாத நிலையில் உள்ள மணிச்சத்தைக் கரைத்துப் பயிர்களுக்குத் தருகிறது.
- இதை, ஏக்கருக்கு 3 கிலோ வீதம் பயன்படுத்த வேண்டும்.
மைக்கோரைசா(வேம்)
- இது, பயிர்களுக்கு வேண்டிய மணிச்சத்து, கந்தகச்சத்து, துத்தநாகச்சத்து, சுண்ணாம்புச் சத்து போன்றவற்றை நிலத்திலிருந்து எடுத்துக் கொடுக்கும்.
- இதை, ஏக்கருக்கு 3 கிலோ வீதம் எடுத்துப் பயன்படுத்த வேண்டும்.
பொட்டாஷ் பாக்டீரியா
- இது, மண்ணில் உள்ள அங்ககச் சத்தையும், (Biofertilizers) கிட்டாத நிலையில் உள்ள சாம்பல் சத்தையும், பயிர்களுக்கு எடுத்துக் கொடுக்கும்.
- இதை, ஏக்கருக்கு 3 கிலோ வீதம் பயன்படுத்த வேண்டும்.
டிரைக்கோடெர்மா விரிடி
- இது, பயிர்களின் வேர்களைத் தாக்கும் அழுகல் நோயைக் கட்டுப்படுத்தும்.
- இதை, ஏக்கருக்கு 2 கிலோ வீதம் எடுத்து இட வேண்டும்.
சூடோமோனாஸ் புளோரசன்ஸ்
- இது, பயிர்களைத் தாக்கும், இலைப்புள்ளி நோய், வாடல் நோய், அழுகல் நோய் மற்றும் கருகல் நோயைக் கட்டுப்படுத்தும்.
- இதை, ஏக்கருக்கு 2 கிலோ வீதம் எடுத்துப் பயன்படுத்த வேண்டும்.
பிவேரியா பேசியானா
- இது, பயிர்களைத் தாக்கும், காய்ப்புழுக்களைக் கட்டுப்படுத்தும்.
- இதை, ஏக்கருக்கு ஒரு கிலோ வீதம் பயன்படுத்த வேண்டும்.
வெர்ட்டிசீலியம் லக்கானி
- இது, பயிர்களைத் தாக்கும், சாறு உறிஞ்சிப் பூச்சிகளைக் கட்டுப்படுத்தும்.
- இதை, ஏக்கருக்கு ஒரு கிலோ வீதம் பயன்படுத்த வேண்டும்.
பெசிலியோ மைசிஸ்
- இது, பயிர்களைத் தாக்கும், நூற்புழுக்களைக் கட்டுப்படுத்தும்.
- இதை, ஏக்கருக்கு 2 கிலோ வீதம் எடுத்துப் பயன்படுத்த வேண்டும்.
மஞ்சள் ஒட்டுப்பொறி
- இது, பயிர்களைத் தாக்கும், வெள்ளை ஈக்கள் மற்றும் தத்துப் பூச்சிகளைக் கவர்ந்து அழிக்கும்.
- இதை, ஏக்கருக்கு 15-20 வீதம் பயன்படுத்த வேண்டும்.
நீலநிற ஒட்டுப்பொறி
- இது, பயிர்களைத் தாக்கும், வெள்ளை ஈக்கள் மற்றும் பறக்கும் பூச்சிகளைக் கட்டுப்படுத்தும்.
- இதை, ஏக்கருக்கு 5-10 வீதம் பயன்படுத்த வேண்டும்.
இனக்கவர்ச்சிப் பொறி
- இது, காய்கறிப் பயிர்கள் மற்றும் முருங்கையைத் தாக்கும் பழ வண்டுகளைக் கவர்ந்து அழிக்கும்.
- இதை, ஏக்கருக்கு 6 வீதம் எடுத்துப் பயன்படுத்த வேண்டும்.
முக்கியக் குறிப்புகள்
- இயற்கை இடுபொருள்களையும், (Biofertilizers)பயிர்ப் பாதுகாப்புப் பொருள்களையும் முடிந்தவரை கலக்கக் கூடாது.
- பஞ்சகவ்யா, ஜீவாமிர்தம், மீன் அமிலம், ஈயக்கரைசல் ஆகிய இயற்கை இடுபொருள்களை; அசோஸ்பயிரில்லம், பாஸ்போபாக்டீரியா, பொட்டாஷ் பாக்டீரியா ஆகிய உயிர்வழிக் கரைசல்களுடன் கலந்து மண்ணில் இடலாம். அதே நேரத்தில் இந்தப் பொருள்களில் வேப்பம் புண்ணாக்கைச் சேர்க்கக் கூடாது.
- திரவநிலை உயிர்வழிப் பாதுகாப்புப் பொருள்களான வெர்ட்டிசீலியம் லக்கானி, பிவேரியா பேசியானா, பேசில்லஸ் துருஞ்சியன்ஸ் ஆகியவற்றுடன், அசோஸ்பயிரில்லம் மற்றும் பாஸ்போ பாக்டீரியாவைக் கலக்கக் கூடாது.
- முடிந்தவரை, பயிர்ப் பாதுகாப்புப் (Biofertilizers) பொருள்களைத் தனியாகவே பயன்படுத்த வேண்டும். பாக்டீரியா சார்ந்த பொருள்களை மண்ணில் பயன்படுத்த வேண்டும்.
Discover more from பச்சை பூமி
Subscribe to get the latest posts sent to your email.
